ሄሊኮፕተር ጠልፈው የተሰወሩት በመልካም ሁኔታ ላይ ናቸው ተባለ

ታኀሳስ ፲፯(አስራ ሰባት) ቀን ፳፻፯ ዓ/ም ኢሳት ዜና :-የአየር ሃይል ባልደረባ የሆኑት ሻምበል ሳሙኤል ግደይ፣ መቶ አለቃ ቢልልኝ ደሳለኝ ከበረራ ቴክኒሻኑ ጸጋ ብርሃን ግደይ ጋር በጋራ በመሆን የሚያበሩትን ሄሊኮፕተር ይዘው ከጠፉ በሁዋላ በአሁኑ ጊዜ በምልካም ጤንነት ላይ እንደሚገኙ የኢሳት ምንጮች ግልጸዋል።
ምንጮቹ አብራሪዎቹ ያሉበትን ቦታ ለመግለጽ ፈቃደኛ ባይሆኑም፣ በአሁኑ ጊዜ በጥሩ ሁኔታ ላይ እንደሚገኙና አስፈላጊው እንክብካቤ እየተደረገላቸው መሆኑን ገልጸዋል።
ኢሳት አብራሪዎቹን ለማነጋገር ጥረቱን አሁንም በመቀጠል ላይ ነው።
በአየር ሃይል ውስጥ የሚካሄደው ግምገማ አሁንም እንደቀጠለ ሲሆን፣ በድሬዳዋ የአየር ላይ በረራ ልምምድ እንዲቋረጥ ከተደረገ በሁዋላ እስካሁን ልምምድ አልተጀመረም። በደብረዘይት አየር ሃይል ግቢ ውስጥ ከፍተኛ የሆነ ውጥረት እንዳለም የመረጃ ምንጮች ገልጸዋል።
መንግስት አብራሪዎቹ ኤርትራ ገብተዋል ቢልም፣ በኤርትራ በኩል እስካሁን የተሰጠ መልስ የለም። አብራሪዎቹ ይዘውት የጠፉት ተዋጊ ሄሊኮፕተር ዘመናዊና እጅግ ውድ መሆኑን መረጃዎች የመለክታሉ።
የኢህአዴግ መንግስት የጠፉትን አብራሪዎችና ሄሊኮፕተሩን በተመለከተ ተከታታይ መግለጫዎችን ከመስጠት ተቆጥቧል።

Advertisements
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s