ከ200 በላይ ዕጩዎች የተሰረዙበት ሰማያዊ ፓርቲ የነጻነት ትግሉን እንደሚገፋት አስታወቀ

የካቲት ፲፪ (አስራ ሁለት) ቀን ፳፻፯ ዓ/ም ኢሳት ዜና :-በተለያዩ  የአገሪቱ ክፍሎች ከ200 በላይ ዕጩዎቹ በምርጫ ቦርድ ትዕዛዝ የተሰረዙበት መሆኑን የገለጸው ፓርቲው፣ የካቲት 22  ከትብብሩ ፓርቲዎች ጋር በ15 ከተሞች የሚያደርገው የተቃውሞ ሰልፍ  የነጻነት ትግል አካል ነው ብሎአል።

የድርጅቱ ሊ/መንበር ኢንጂነር ይልቃል ጌትነት ለነገረ ኢትዮጵያ  እንደገለጹት ሰማያዊ ፓርቲ በመላ አገሪቱ በተለይም በደቡብ ወሎ፣ በሰሜን ሸዋ፣ በወላይታ፣ በቤንች ማጅ፣ በምዕ/ጎጃም፣ በሲዳማ፣ በከምባታ፣ በጋሞጎፋ፣ አዲስ አበባ፣ በደቡብ ጎንደርና ጉጅን ጨምሮ በሌሎችም የአገሪቱ ክፍሎች ከ200 በላይ ዕጩዎቹ ‹‹ከብሔራዊ ምርጫ ቦርድ በደብዳቤ ታዘናል›› በማለት ከህዝብ ተወካዮች ምክርቤትና ከክልል ምክር ቤቶች ዕጩ ተወዳዳሪዎቹን መዝገብ ላይ እንዲሰረዙ ተደርጓል።

የሰማያዊ ፓርቲ አመራሮች የቦርዱን ሰብሳቢ ፕ/ር መርጋ በቃናን ለማግኘት ቢጥሩም ‹‹ከከተማ ውጭ ናቸው፡፡ አሁን አታገኟቸውም›› መባላቸውን፣ ፕ/ር መርጋ ግን የህወሓትን 40ኛ አመት ለማክበር መቀሌ መሆናቸውን ጋዜጣው ዘግቧል።

የምርጫ ቦርድ ውሳኔ ለነጻነት የሚያደርጉትን ትግል ትክክለኛ  እንደሆነ እንዳስረገጠላቸው፣ ይህን የነጻነት ትግልም አጠናክረው እንደሚቀጥሉና የካቲት 22 ፓርቲያቸው ከትብብሩ ጋር በ15 ከተሞች በተመሳሳይ ጊዜ የሚያደርገው ሰልፍ የዚሁ የነጻነት ትግል አካል እንደሆነ ኢ/ሩ ለነገረ ኢትዮጵያ ገልጸዋል።

የ9 ፓርቲዎች ትብብር የካቲት 22 የጠራው የተቃውሞ ሰልፍን በተመለከተ በመንግስት በኩል እስካሁን የተባለ ነገር የለም። ፓርቲው ግን የተቃውሞ ሰልፉን በተያዘለት ቀን እንደሚያካሂድ ቀደም ብሎ  አስታውቋል።

Advertisements
This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s